Топлото време е малку веројатно да го спречи ширењето на коронавирусот во поголема мерка, покажуваат резултатите од студијата на канадските истражувачи за ширењето на ковид 19 во светот.
Тие го испитале ширењето на вирусот кон крајот на март на места со различна влажност, различни рестриктивни мерки, како и различни географски широчини.
Професорот од универзитетот во Торонто, Питер Јун изјави дека неговиот тим утврдил дека има малку или воопшто нема врска помеѓу ширењето на инфекцијата и температурата или географската ширина, како и само слабата поврзаност со влажноста на воздухот, пишува „Индипендент“.
Претседателот на Црвениот крст намерно се зарази со круната – тој сакаше да докаже бесмислени мерки, сега под истрага
„Ние спроведовме прелиминарна студија што укажува на тоа дека географската ширина и температурата може да играат улога. Но, кога ја повторивме студијата во многу поригорозни услови, добивме спротивен резултат“, рече тој.
Наспроти тоа, затворањето на училиштата и другите мерки на јавно здравје ефикасно го спречуваат ширењето на коронавирусот, додаде тој.
„Сезоните веројатно ќе играат само мала улога во епидемиологијата на Ковид 19“, заклучи студијата, која опфати 144 региони ширум светот.
