19.8 C
Скопје
28. септември 2022
Centar.mk – Вести, бизнис, забава, спорт…
Војна во УкраинаСветВо тренд...

Зеленски: Целта на Украина е непроменета и покрај најавите од Русија

Украинскиот претседател Володимир Зеленски изјави дека ставот и целите на Киев остануваат непроменети и покрај најавите за претстојните референдуми во самопрогласените Доњецк и Лугански народни републики (ДНР и ЛНР), како и во регионите Керсон и Запорожје.

„Позицијата на Украина не е променета поради „некоја врева“ од Русија, а нашите партнери целосно нè поддржуваат во тоа“ – рече Зеленски во видео обраќањето.

Тој рече дека „гледиштата на Украина се јасно дефинирани и добро познати“ и тоа е она што треба да биде во фокусот.

Зеленски повика и на „поголема поддршка за вооружените сили на Украина, разузнавачките служби, силите за специјални операции, Службата за безбедност на Украина, Националната гарда, полицијата, граничарите, сите оние кои постепено го обновуваат територијалниот интегритет на Украина“.

Тој нагласи дека во ова го исполнува разбирањето не само на сојузниците, туку и на оние земји кои се обиделе да се држат настрана од конфликтот што се води во Украина.

Претставниците на проруските власти во самопрогласените ДНР и ЛНР вчера изјавија дека на тие територии од 23 до 27 септември ќе се организира референдум за обединување со Русија.

Според најавите, во исто време ќе се организира и референдумот за присоединување кон Русија во украинските региони Херсон и Запорожје, кои исто така се под руска контрола.

Најавените референдуми ги осудија многу западни претставници, меѓу кои и претседателката на Европската комисија Урсула фон дер Лајен, генералниот секретар на НАТО Алијансата Јенс Столтенберг, канадскиот премиер Џастин Трудо, германскиот канцелар Олаф Шолц, францускиот претседател Емануел Макрон.

Можеби ќе ве интересира

Јапонија бара извинување од Русија: Потегот на Москва е неприфатлив

M T

Британско Министерство за одбрана : Путин за неколку дена ќе објави анексија на окупираните делови на Украина

M T

Рогов: Зеленски е предавник и странски шпион

M T

Путин до Западот: Нема да дочекате распад на Русија

M T

СО SPORT LIFE до стан во Скопје!

M T

Русија ќе ги намали испораките на гас за Европа за една третина

M T