Кандидатот за вакцина „Абдала“ против коронавирус, изработена од Куба, која е и прва што се развива во Латинска Америка, покажа ефикасност од 92,28 проценти. Ова го објави лабораторијата што ја развива вакцината, пренесе АФП.
Центарот за генетско инженерство и биотехнологија објаснува дека оваа ефикасност е постигната по три дози.
„Абдала“ е во завршна фаза на клинички испитувања и треба да добие официјално одобрување од кубанските власти подоцна овој месец или на почетокот на јули.
Во саботата, кубанскиот институт за вакцинација „Финли“ објави дека неговиот кандидат за вакцина „Соберана 2“ покажал ефикасност од 62 проценти по инјектирање на две од трите дози.
Спонзорирано:
