Шефицата на британскиот стручен штаб за вакцина против Ковид-19, Кејт Бингем, во интервју за Би-би-си оцени дека животот ќе се врати во нормала дури на крајот на 2021 година.
Таа најави дека вакцината против Ковид-19 може да биде достапна најрано до крајот на оваа година и додаде дека првин ќе ја примат најранливите членови на британското општество.
„Мислам дека не е веројатно оти иницијалната вакцинација ќе ги заштити луѓето засекогаш. Можеби ќе мора да се ревакцинираме за да го задржиме имунитетот против коронавирусот“, рече Бингем.
Во меѓувреме, во Северна Ирска беше објавено дека од петок ќе почне двонеделен прекин на училиштата и услужните дејности и четиринеделно затворање на рестораните и пабовите со цел да се запре понатамошното ширење на коронавирусот.
