Американскиот претседател Доналд Трамп им рече на толпата приврзаници на предизборниот митинг во Џонстаун дека се чувствува како Супермен по подложуцањето на експериментален третман против Ковид-19 со антивирусниот лек „регенерон“, пренесува „Њујорк пост“.
„Вакцините доаѓаат набргу, терапијата и, искрено, лекот. Сè што знам е дека зедов нешто – што и да беше тоа, многу бргу се почувствував добро “, рече Трамп за време на својот втор митинг откако неговиот лекар потврди дека е негативен на коронавирусот.
„Не знам што беше тоа, антитела, не знам. Го зедов, реков дека се чувствувам како Супермен. Реков: ‘Пуштете ме’“!
Трамп продолжи да им се заблагодарува на лекарите што го лекуваа во Националниот воено-медицински центар „Волтер Рид“ откако три ноќи беше хоспитализиран во установата во Мериленд.
„Една голема предност да се биде претседател е дека ако не се чувствувате 100 отсто добро, имате повеќе лекари отколку што сте мислеле дека постојат во светот. Бев опкружен со 14-ина од нив“!
Трамп исто така се пофали со својот нов имунитет на оваа болест, која им ги однесе животите на 216. 000 Американци, и се закани дека ќе ги бакне сите присутни – без исклучок.
„Тие ми велат дека сум имун! Можев да се симнам и да почнам да ги бакнувам сите, секој маж и жена. Погледнете го тоа момче колку е убаво. Можев да го бакнам не баш со многу уживање“, се пошегува тој.
