„Со отворање на поглавјата, со сплотеност и со дисциплина за реформите, влегуваме во финиш на промените кои ни носат европски стандарди и европски квалитет на живот,“ вели првиот вицепремиер Бојан Маричиќ и секретар за меѓународна соработка на СДСМ, во видео обраќање до граѓаните објавено на неговата ФБ страна.
Маричиќ посочува дека СДСМ е најсериозната и единствената политичка опција во Македонија која може да обезбеди продожување на преговорите со ЕУ.
Тој потенцира дека преговорите носат задолжително реформирање на јавната администрација и подобрување на стручноста на државните службеници. Стабилен и доверлив судски систем, заштита на човековите права и активна борба против корупција.
„Со отворање на поглавјата се отвораат и нови фондови на ЕУ за подобрување на нашиот живот. Фондови за економски мерки, за земјоделство, за инфраструктура, за животна средина, за култура, за образование, за млади и уште многу повеќе,“ посочува Маричиќ.
Според него, до крајот на 2025 година државата ќе може да искористи околу 500 милиони евра од ИПА 2 и уште 200 до 300 милиони евра од ИПА 3, пари доделени од Европската Унија. А за македонските земјоделци има над 210 милиони евра годишно од ИПАРД 3 за следните четири години.
„Сега зависи само од нас. Сега е потребно да дадеме глас ЗА продолжување на преговорите со ЕУ, ЗА реформи, ЗА европски фондови, ЗА европска иднина на Македонија,“ порачува Маричиќ.
ПОПУЛАРНО НА ИНТЕРНЕТ...
