Американските палачинки се едноставно превкусни! Ви донесуваме едноставен и брз рецепт за овој вкусен десерт кој можете да го правите за доручек, или како десерт за семејството и пријателите.
Состојки:
2 шолји брашно
2 лажички прашок за печиво
1/2 лажичка сол
1 ванилин шеќер
2 шолји млеко
4 лажици масло
2 јајца
Начин на подготовка:
Одвоено измешајте ги сувите и влажните состојки. Лесно спојте ги и матете со миксер 2-3 минути.
На средна температура загрејте намастена тава. Со кутлача ставајте тесто на тавата. Печете околу минута (ќе знаете дека долната страна е печена кога на непечената страна ќе се појават меурчиња), превртете и полека испечете ја и другата страна.
Палачинките можете да ги наредите една на друга, па прелијте ги со чоколадо, мед, јаворов сируп, додајте овошје, сладолед, по желба.
Уживајте!
