5.8 C
Скопје
29. март 2024
Centar.mk – Вести, бизнис, забава, спорт…
КУЈНАНАПРАВИ САМ

Совршени со филм или добра книга: Уживајте во овие домашни кифлички

Меки, ронливи, празни или полнети, сè доаѓа во игра, а со овој рецепт нема да можете да престанете да ги јадете.

Домашните кифлички се добра закуска со вашата омилена серија или филм.

Состојки:

500 гр обично брашно

300 мл млеко

20 гр свеж квасец

1 лажица шеќер

8 лажици масло

1,5 лажици сол

100 гр путер

1 јајце за премачкување

крупна сол

сусам за посипување

Подготовка:
Загрејте го млекото малку, оставете го да биде топло, па додадете го квасецот и шеќерот. Добро измешајте и оставете го да нарасне на топло место, доволни ќе бидат околу 15 минути.

Во поголем сад измешајте ги брашното, солта и маслото, па додадете го квасецот. Месете го тестото најмалку 10 минути, додека не добиете мазна топка. Намачкајте ја топката со малку масло, покријте ја со фолија или крпа и оставете ја да нарасне додека не се удвои, околу еден час.

Кога тестото ќе нарасне, префрлете го на работната површина и поделете го на 5 еднакви топчиња. Потоа секоја топка превртете ја во круг. Валаните кругови ставете ги еден врз друг, а меѓу нив додадете путер. Најдобро ќе биде ако користите ладен путер кој лесно се сече на тенки парчиња. Последното парче тесто оставете го празно. Потоа со сукало притиснете ги слоевите тесто и убаво расукајте ги до дебелина до еден сантиметар. Се сече на триаголници или правоаголници и се тркалаат во ролни. Кифличките префрлете ги на хартија за печење, покријте ги со крпа и оставете ги да нараснат на топло место уште најмалку 20 минути.

За тоа време изматете едно јајце и со него премачкајте ги кифличките, па посипете ги со крупна сол и сусам. Печете на 220 степени 5 минути, а потоа намалете ја температурата на 200 и печете додека кифличките не станат ронливи и златни.

Спонзорирано:

Можеби ќе ве интересира

Највкусна кога ќе преноќи: Рецепт за розен торта

M T

Домашен рецепт за НАЈДОБРИОТ АЈВАР кој никогаш не разочарува

M T

Направете сами ТОРТИЉА ЧИПС: Едноставен рецепт, а за многумина омилена закуска

M T

Вкус кој долго ќе се памети: Гравче со месо печено во рерна

M T

МИРИЗЛИВИ И МЕКИ – Рецепт за домашни солени кифлички

M T

Рецепт за добар сон: Спијте без пижами и подобрете го менталното здравје

M T