Неконтролиран пожар што избувна во бегалскиот камп Лагуна Верде уништи околу 100 куќи, а најмалку 300 луѓе од оваа населба останаа без покрив над главата, јавуваат тамошните медиуми.
Пожарот зафатил сиромашна населба во градот Икике, на северот на Чиле.
Засега нема информации дали има повредени.
Голем проблем настанал за време на гаснењето кога пожарникарите се соочиле со големи потешкотии во снабдувањето со вода на своите камиони. Ова го потврди Националната канцеларија за вонредни состојби на Министерството за внатрешни работи на Тарапак.
За ширење на пожарот придонело и тоа што целата населба нема вода и е изградена диво, без никаков план, целосно надвор од дофатот на инфраструктурата, пишуваат медиумите.
Спонзорирано:
