Британското Министерство за одбрана соопшти дека е речиси сигурно оти руската офанзива не успеала во целта да го затвори обрачот околу Киев.
„Изјавите на Русија за намалување на активностите околу Киев и извештаите кои укажуваат на повлекување на некои руски единици од овие области може да укажуваат на прифаќањето на Русија дека сега ја изгубила иницијативата во регионот“, изјави британскиот воен аташе Мик Смит.
„Многу е веројатно Русија да се обиде да ја пренасочи својата борбена моќ од север кон својата офанзива во регионите Доњецк и Луганск на исток“, рече тој.
Оваа оценка се согласува со претходните изјави на Пентагон.
– Русија не успеа во својата цел да го заземе Киев. Тоа не значи дека заканата за Киев е завршена – изјави претходно портпаролот на Пентагон.