Во новото видео обраќање, украинскиот претседател Володимир Зеленски рече дека украинските војници го ослободиле Ирпин и напредуваат во регионот на Киев, враќајќи ја контролата врз украинската територија.
– Ирпин е ослободен. Добро сторено! Благодарен сум на сите што работеа на овој резултат. Окупаторите беа оттурнати од Ирпин. Сепак, рано е да се зборува за безбедност во овој дел од нашиот регион. Борбите продолжуваат – рече Зеленски.
Тој рече дека руската армија ја контролира областа северно од главниот град на Украина и дека ќе продолжи со нападите.
Зеленски посочи дека од почетокот на агресијата врз неговата татковина загинале 143 деца.