Украинската армија денеска соопшти дека еден војник загинал, а шестмина се ранети во гранатирањето што, како што тврдат, го извршиле проруските сили во источна Украина во изминатите 24 часа.
Украинската армија на Фејсбук објави дека забележала 96 случаи на гранатирање, кои ги извршиле проруските сили во изминатите 24 часа, во споредба со 84 такви инциденти претходниот ден.
Армијата тврди дека проруските сили користеле тешка артилерија, минофрлачи и ракетен фрлач БМ-21 Град.
Украина ја обвини Русија за поттикнување насилство, што го користи како изговор за признавање на две самопрогласени републики во источна Украина и испраќање војници во областа.
Спонзорирано:
