10 C
Скопје
28. февруари 2021
Centar.mk – Дознај сѐ!
Коронавирус Centar Во тренд...

Британски епидемиолог: Потребни се итни мерки за да спречиме катастрофа

фото Pixabay / илустрација

Британската влада мора да воведе построги правила за заклучување за да се избегне нов бран на смртни случаи како последица на новиот вид коронавирус, изјави денеска водечкиот британски епидемиолог и владин советник Ендјру Хејворд, откако Велика Британија во понеделникот објави рекордни 41.385 починати од Ковид-19.

„Влегуваме во многу опасна нова фаза на пандемијата и ќе ни требаат решителни и навремени национални активности за спречување на катастрофа во јануари и февруари“, рече Хејворд, професор по епидемиологија на Универзитетот во Лондон.

Хејворд, кој е член на советничкото тело на британската влада за респираторни заболувања, вели дека новиот вид на Ковида-19, кој полесно се шири меѓу луѓето, значи дека постојните мерки за заклучување во Англија веројатно нема да го забават ширењето на болеста, пренесе „Ројтерс“.

Тој исто така сугерира дека во ваква ситуација има смисла училиштата да бидат затворени на подолг период бидејќи бројот на пациенти продолжува да расте, додава „Индипендент“.

Хејворд зборуваше за Би-би-си во време кога британскиот премиер Борис Џонсон се подготвува да ги преиспита мерките за Англија и кога наводно повеќе милиони луѓе ќе се најдат во области каде што ќе се применува четвртиот степен на ограничувања, што сега важи за околу 40 проценти од населението.

Можеби ќе ве интересира

Филипче обелодени кога почнува вакцинацијата во Македонија и кој прв ќе се вакцинира

CENTAR MKD

Утре Александар Вучиќ ќе ни донесе вакцини на Табановце

CENTAR MKD

Новиот вид коронавирус зарази и вакцинирани луѓе во старски дом во Германија

CENTAR MKD