Д-р Жарко Караџовски на денешната прес конференција напомена дека најголем број од пациентите се со лесна клиничка слика. Дел од симптомите се слабост малаксаност, затнат нос и температура. Со терапија, остануваат дома и ја примаат. Од 2 до 4 отсто завршуваат на клиника, а од оние случаи во коип пациентите не ја издржуваат битката, најчесто се работи за пациенти со коморбидитет. Здравствениот систем има можност да ги растегне клиничките капацитети и да станат многу одделенија кои ќе ги лекуваат овие пациенти. Но, најважно е да се почитува апелот за почитување на мерките, зашто немаме резервни здравствени работници. Немаме други со кои ќе направиме замена. Немаме ниту доволно епидемиолози и инфектолози. До последните капки пот од нас ќе работиме.
Нема да го оставиме на цедило населението. Додека јас сум овде на прес-конференцијава, некој работи. И да не се прават најголеми доктори тие што никогаш не излегле од канцеларија – рече Караџовски.
Претходно министерот за здравство Венко Филипче посочи дека полицискиот час не е решение. Тој апелира граѓаните да ги почитуваат мерките.
Во однос на пациентите кои ја загубиле битката со болеста тој истакна дека огромен број од нив имале други хронечни болести.
-Огромен процент од пациентите имале тешка форма на некоја друга хронична болест, над 85% се со коморбидитети. Голем дел многу доцна доаѓаат во болница, рече министерот Филипче.
На прашањето, што е со шпекулациите дека дел од пациентите кои ја загубиле битката од други болести, но биле заведени од најновата болест , министерот истакна, дека тоа е така, но од самиот почеток доколку пациентот имал позитивен тест, тогаш се запишува дека истиот пациент ја загубил битката од најновата болест.
-Тоа е навистина така, но ние останавме доследни, односно објавување на сите пациенти, кои иако имале сериозна болест, а сепак биле заболени од болеста, истакна Филипче.
