Бидејки не можеме да ја разбереме контрадикторноста на претседателот на Комисијата за заразни болести, Д-р. Жарко Караџовски кој од една страна се сомнева во брзите тестови за Ковид-19, а притоа и самиот констатира дека во наредниот период ќе се набавеле како што кажа самиот тој, брзи тестови за брзо дијагностицирање на Ковид-19, ги приложуваме овие фотографии на брз тест кој е набавен во аптека во соседна Бугарија без рецепт по цена од 12 евра, велат од ВМРО Народна Партија како реакција на изјавата на Д-р Жарко Караџовски.
-Се надеваме дека Д-р Жарко Караџовски ќе ја расчисти дилемата и ќе може да донесе чист заклучок без да се иронизира моментот дека штом се продавале во аптека брзите ковид-тестови наликувале на тестови за бременост, велат од ВМРО НП.
Претходно Караџовски изјави дека тестовите за Ковид-19 не се тестови за бременост па да се продаваат во аптеките.
