Антителата кон коронавирусот се развиваат најслабо кај луѓето постари од 70 години, како и кај оние кои се под постојан стрес или тие кои редовно пијат алкохол, изјави денес за ТАС рускиот научник Александар Гинзбург.
Директорот на Националниот истражувачки центар за епидемиологија и микробиологија на Гамалеј од руското Министерство за здравство рече дека, како по правило, тоа е сè попроблематично за постарите луѓе, од 70 до 80 години, вклучително и развој на антитела. Сепак, тој вели дека одредени околности можат да го отежнат развојот на антителата кај помладите луѓе.
“Редовната употреба на алкохол, особено за време на периодот на вакцинација, има многу негативно влијание врз количината на антитела развиени и имунитетот на Т-клетките. Постојан стрес или постојани стресни услови, исто така, имаат негативен ефект”, рече Гинзбург.
