Шеесетгодишен Албанец од Косово е осуден во Австрија на доживотен затвор за убиство на сопругата.
Тој е обвинет дека во ноември минатата година ја избодел сопругата 16 пати по брачна расправија. По убиството излегол да се прошета, изјавил пред судот.
– Потоа отидов кај соседот и му кажав дека ја убив сопругата и дека треба да повика полиција – додаде тој.
Расправијата избила за појадок, бидејќи, како што рекол, сопругата му послужила супа.
– Жена ми сакаше да ме натера да јадам супа рано наутро. Покрај тоа, таа зборуваше лошо за мојата ќерка од првиот брак – објасни тој.
Тој додал дека изгубил контрола, извадил ножеви од кујната и ја нападнал жената.
Тој го признал делото, но не се покајал пред судот.
Неговиот адвокат се обиде да избегне пресуда за убиство и тврдеше дека тоа е дело извршено под влијание.
Но, судот не му поверувал, бидејќи Албанецот ја избодел жената од зад грб.
Затоа и донесе пресуда со најтешката казна – доживотен затвор.
