Изјавите на европските политичари дека Украина сè уште не може да бара статус на кандидат за членство во Европската унија се злобни кон Киев, изјави портпаролката на руското Министерство за надворешни работи, Марија Захарова.
Претходно италијанскиот премиер Марио Драги изјави дека речиси сите поголеми земји од ЕУ се против давање на Украина статус на кандидат за членство во ЕУ.
– Тоа е многу злобно кон Украина. Зошто се такви кон Украина? Тие ветија дека Украина ќе им се приклучува секоја година во нивните редови. Секоја година им кажуваа дека „сега се половина чекор, уште половина сантиметар, уште еден милиметар поблиску до посакуваната цел што им ја наметнаа“ – тоа се европските интеграции – изјави Захарова.
– Каде беа тие политичари кои сега ги убедуваат Украинците дека сè уште не се подготвени да ги примат, а Украина не е подготвена никаде да се приклучи, каде беа тие со истите тие изјави многу порано? – нагласи Захарова.
Претходно, спикерот на украинското МНР Олег Николаенко изјави дека Украина очекува во јуни да добие статус на кандидат за влез во Европската унија, со поддршка од европските земји.
Министерот делегат за европски прашања во француското Министерство за надворешни работи, Клемент Бон, рече дека процесот на пристапување на Украина во ЕУ може да потрае 15-20 години.
