Американскиот секретар за одбрана Лојд Остин одржа прес-конференција откако го посети Киев заедно со американскиот државен секретар Ентони Блинкен и се сретна со украинскиот претседател Володимир Зеленски.
Остин рече дека потребите на Украина се менуваат како што се развива природата на борбата и дека дел од причината гледа во фактот што фокусот на војната се префрли на исток од земјата.
– На Украинците им треба оружје со долг дострел. Слушнавте дека изразиле потреба од тенкови. И правиме се што можеме за да ги поддржиме, артилерија и муниција кои ќе бидат ефективни во оваа фаза од борбата – рече Остин на прес-конференцијата што ја одржа во близина на полско-украинската граница.
Министерот за одбрана на Соединетите Американски Држави рече дека видел индиции дека многу земји ќе пријават и ќе обезбедат дополнителна муниција и дека Украина има шанса да победи во војната доколку го има соодветното оружје.
