Американскиот Стејт департмент оценил дека Кина продолжува да повторува некои руски идеи за безбедноста поврзани со војната во Украина, вклучувајќи го и концептот на Кремљ за „неделлива безбедност“, пренесуваат медиумите во светот.
Портпаролот на Стејт департментот Нед Прајс ова го кажал на прес-конференција, запрашан за коментар за говорот на кинескиот лидер Кси Џинпинг, во кој тој го споредил концептот со неговата „глобална безбедносна иницијатива“.
Прајс повторил дека Кина ќе се соочи со тешки последици ако обезбеди материјална помош за руските воени напори во Украина, но тој исто така посочил дека Вашингтон сè уште не видел Пекинг да и дава таква помош на Москва.
„Соединетите Американски Држави ќе продолжат да го почитуваат меѓународниот систем што го изградија со партнери со слична посветеност, кој се заснова на почитување на човековите права, суверенитет и самоопределување“, кажал Прајс.
„Ние сме посветени на одржување на различни системи кои некои земји, вклучувајќи ги Русија и Кина, се обидуваат да ги оспорат, а во некои случаи сакаат да ги соборат, па дури и да ги уништат“, истакнал Прајс, мислејќи на Кина.
