Centar.mk – Вести, бизнис, забава, спорт…
Коронавирус Во тренд...

СЗО формира нов експертски тим за утврдување на потеклото на коронавирусот

фото Pixabay

Светската здравствена организација формираше нова експертска група за тестирање опасни патогени, која, како што проценува, е „последна шанса“ да се утврди потеклото на вирусот САРС-КоВ-2 и ја повика Кина да соработува.

Првиот случај на Kовид-19 кај човечката популација беше регистриран во кинескиот град Вухан во 2019 година, и Кина отсекогаш ги негираше обвинувањата дека вирусот потекнува од нејзините лаборатории и објави дека посетите на службениците на СЗО повеќе не се неопходни.

СЗО назначи 26 членови на Научно-советодавната група за потеклото на новите патогени, меѓу кои Марион Копманс, Теа Фишер, Јанг Јунгуи, кинески експерт кој учествуваше во заедничката истрага во Вухан.

Покрај вирусот корона, тимот ќе го испита потеклото на други патогени со висок ризик.

„Разбирањето од каде доаѓаат новите патогени е клучно за спречување на идните епидемии“, рече генералниот директор на СЗО, Тедрос Аданом Гебрејесус.

Претходно, Тедрос и други претставници на СЗО рекоа дека „не може да се исклучи лабораториска несреќа“ како потенцијален извор на пандемијата.

Можеби ќе ве интересира

ДСЗИ: Болните од Ковид-19 да не прифаќаат домашно лекување ако за тоа немаат потврда од матичен лекар и документ за терапија

M T

СЗО: Во Авганистан ќе пропаднат околу 1,6 милиони вакцини, здравствениот систем пред колапс

M T

Можни проблеми со срцето и една година по блага инфекција со коронавирус, покажуваат истражувањата

M T