Најмалку три лица загинаа денеска, а околу 60 се повредени во земјотрес со јачина од шест степени според Рихтеровата скала во провинцијата Сечуан во југозападна Кина, јавија државните медиуми.
Според градското биро за итни случаи, од 60-те лица префрлени во болница, тројца се тешко повредени.
Земјотресот се случи во округот Лусијан на длабочина од 10 километри.
Според извештајот на кинеската агенција, урнати се неколку куќи, а во тек е спасувачка операција.
Земјотреси често се случуваат во западна Кина.
Сечуан беше погоден од земјотрес со јачина од 7,9 степени во мај 2008 година, во кој загинаа речиси 90.000 луѓе.
