6.8 C
Скопје
9. декември 2021
Centar.mk – Вести, бизнис, забава, спорт…
Uncategorized Македонија

Пристигна косовската делегација за заедничката седница на двете влади

Владата на Република Северна Македонија, предводена од премиерот Зоран Заев, денеска е домаќин на Владата на Република Косово која во полн состав пристигна во Скопје, предводена од премиерот Албин Курти по повод одржувањето на заедничката меѓувладина седница.

Премиерот Зоран Заев го пречека неговиот колега Албин Курти на платото пред Владата на Република Северна Македонија, каде што, во присуство на членовите на двете влади, се одржа церемонијата на пречек со највисоки воено-државни почести.

Претседателите на владите на двете земји потоа се повлекоа на тет-а-тет средба во кабинетот на премиерот Зоран Заев, а министрите до почетокот на заедничката седница одржаа повеќе билатерални средби.

На заедничката седница ќе бидат потпишани договори и меморандуми за инфраструктурното поврзување на двете земји за олеснување и унапредување на економската соработка и комуникација, како и други меморандуми и програми кои опфаќаат соработка на меѓугранични проекти со поддршка на ИПА програмите на ЕУ, соработка на полето на енергетиката, како и на планот на туризмот, културата и унапредување на заедничките иницијативи во иновациите и технолошкиот развој.

Заедничката седница на двете влади доаѓа како потврда за одличните пријателски односи меѓу Република Северна Македонија и Република Косово во насока надградување на заемните интереси на двете земји и за споделувањето на заедничките определби за поинтензивна регионална соработка, велат од Владата.

Работниот дел од посетата на Владата на Република Косово на нашата земја ќе заврши со заедничка прес-конференција на премиерите Зоран Заев и Албин Курти.

Можеби ќе ве интересира

Заев: Свети Климент е жив паметник на нашата историја и основач на Охридската школа

M T

САД поддржуваат заеднички прифатливи решенија меѓу Северна Македонија и Бугарија, му порача Ескобар на Заев

M T

Заев денеска ќе ја поднесе оставката во партијата, „Алтернатива“ одлучува дали ќе стане дел од владината коалиција

M T