Рано утрово се запали магацин во пристаништето во Белград. Густ и црн чад се издигна над населбата и може да се забележи оддалеку.
Како што пренесуваат српските медиуми ветерот го отежнува гаснењето на огнот.
Според првите извештаи, никој не е повреден затоа што пожарот избувнал во зграда во која нема луѓе. Станува збор за магацин каде се складира само хартија и картони.
Повремено пука стакло и се слушаат помали детонации. Реонот е блокиран, а во тој дел од градот е создаден метеж.
На терен сеа 13 противпожарни возила, со најмалку 46 пожарникари. На пожарникарите им се придружи брод од реката, кој помага да се испорача вода.
