15.8 C
Скопје
17. септември 2021
Centar.mk – Вести, бизнис, забава, спорт…
Македонија Бизнис ТОП ВЕСТИ

СДСМ: Зголемената економска динамика во Технолошко индустриските зони е е силна потврда дека економијата е стабилна и се движи во добар правец

Соопштение на СДСМ:

Владата предводена од СДСМ континуирано реализира успешни економски политики кои придонесуваат економијата да се развива со засилено темпо, а последиците од коронакризата конечно да станат минато.

Една од последните потврди за тоа е и економската активност во Технолошко индустриски зони, која во вториот квартал од годинава е на највисоко ниво во последните четири години.

Официјалните податоци говорат дека во вториот квартал од 2021 година, извозната активност во индустриските зони достигна 763 милиони евра, што е за 140% повеќе од истиот период во 2020 година, додека во однос на 2018 година порастот е околу 27%.

Во споредба со изминатите 4 години извозната активност и во јуни оваа година е највисока на месечно ниво и достигна ниво од 239 милиони евра, поточно за 25 милиони повеќе од истиот месец од 2020 година.

Паралелно, продолжува и растот на новоотворени работни места во ТИРЗ-овите. Во јуни е регистриран зголемен број на работни места од над 7% споредено со истиот месец минатата година.

Очекувано е ваквиот нагорен тренд да продолжи и во наредните месеци со оглед на интензивните преговори за нови инвестиции од постојни, но и нови странски и домашни компании.

Една од нив е и новата инвестиција на канадската компанија Магна, презентирана неодамна, која од првично најавените 15 милиони евра сега е зголемена на близу 40 милиони евра, со над 1.200 нови работни места.

Одговорниот, правичен и инклузивен пристап во привлекувањето странски инвестиции дава очигледни резултати.

Бележиме отворање постојано отворање на нови и добро платени работни места и историски пад на нивото на невработеност.

Продолжуваме со економски мерки и политики што обезбедуваат економски раст и развој и повисок животен стандард за сите.

Можеби ќе ве интересира

СДСМ: ВМРО-ДПМНЕ сака да ја поткопа независната истрага за пожарот, срамен е нивниот обид за политизација на трагедијата

M T

СДСМ: Длабоко сочувство до семејствата на починатите во пожарот во Тетово, нашите мисли се со тетовчани

M T

СДСМ: СДСМ се грижи за здравствените работници, ВМРО-ДПМНЕ ги нарекува ,,убијци”

M T