Министерот за одбрана на Нов Зеланд, изјави дека оваа земја ќе испрати авиони Ц-130 Херкулес и 58 војници во Европа со цел дополнително да ја поддржи Украина по руската инвазија.
Покрај него и премиерката на Нов Зеланд Џасинда Ардерн најави дека најавила дополнителен пакет поддршка за борбата против руската инвазија од 13 милиони долари за набавка на оружје и муниција.
„Нашата намера е да и помогнеме на украинската армија да ја одбие бруталната руска инвазија бидејќи мирот во Европа е суштински за глобалната стабилност“, рече таа.
Воената помош за Европа од Нов Зеланд ќе се доставува преку Велика Британија, но од кабинетот на Ардерн велат дека нивните војници нема да влезат во Украина и нема да учествуваат во борбите на фронтот.
Таа смета дека ваквиот напад на суверенитетот на една земја е закана за сите и затоа Нов Зеланд треба да направи се за да помогне.
„Глобалниот одговор на кризата е невиден износ на воена поддршка ветена на Украина и итно е потребна дополнителна помош за транспорт и дистрибуција“, рече таа.
Оваа вест беше потврдена на Твитер.
