Четири лица се повредени во пожар што избувна по несреќата во рафинеријата „Ексонмобил“ во близина на Хјустон во американската сојузна држава Тексас.
Окружниот шериф Ед Гонзалес изјавил дека дошло до голема индустриска несреќа во фабриката што го предизвикала пожарот. Како што наведе тој, според прелиминарните извештаи, имало некаков вид експлозија во фабриката.
Од рафинеријата преку соопштение истакнаа дека противпожарните екипи на компанијата работат на гаснење на пожарот и се обидуваат да ја откријат судбината на сите што во моментот на несреќата биле на местото на настанот.
