Centar.mk – Вести, бизнис, забава, спорт…
Свет Во тренд...

Спасувач пронајден жив во рудникот во Сибир

Спасувачот кој се водеше како исчезнат во операцијата во рудникот за јаглен Листвјажнаја, во руската област Кемерово, е пронајден жив.

„Нашиот спасувач Александар Заковрјашин е пронајден жив. Мислам дека ова е чудо што го направија нашите луѓе“, изјави за „Тасс“ вршителот на должност министер за вонредни ситуации на Русија, Александар Чупријан.

Заменик државниот обвинител Дмитриј Демешин денеска изјави дека рударите претходно се пожалиле на високо ниво на метан во рудникот, но додаде дека е рано да се каже дали тоа довело до експлозија.

Како што истакна, истрагата ќе утврди дали има поврзаност помеѓу нивото на метанот и експлозијата. Тој претходно изјави дека е можно причина за несреќата да е експлозија на метан.

Според последните информации, вкупниот број на жртви во несреќата во рудникот е 57. Три лица, меѓу кои и директорот на рудникот, се уапсени поради наводни безбедносни нарушувања.

Можеби ќе ве интересира

Експлозија во рудник во Сибир – Најмалку 11 загинати и 49 заробени во внатрешноста

M T

Човечки остатоци пронајдени кај рудник за јаглен на Нов Зеланд, 11 години по несреќата

M T

Најмалку 12 лица загинаа во експлозија во илегален рудник во Колумбија

M T

На Сибир измерени 48 Целзиусови степени

M T

САСА ќе продолжи да вложува над 300.000 долари годишно во развојот на заедницата

M T

Откопан третиот најголем дијамант во светот

M T