Centar.mk – Вести, бизнис, забава, спорт…
Свет

Израел побара меѓународна помош за борба против шумските пожари во Ерусалим

Израел вчера побара меѓународна помош за борба против пожарите што избија во околината на Ерусалим.

Според официјалните податоци, најмалку 17 квадратни километри шума веќе се изгорени, што го прави еден од најголемите пожари во историјата на земјата.

Израелската радиодифузна корпорација „Кан“ соопшти дека израелскиот премиер Нафтали Бенет издал инструкции да се побара меѓународна помош за борба против пожарите што беснеат во ридовите околу Ерусалим.

Чад од пожарите вчера можеше да се види над џамијата „Ал Акса“ во Стариот град во Ерусалим.

Некои населени места се евакуирани, а на некои им беше препорачано да го сторат тоа. Пожарот избувна на околу 10 км западно од Ерусалим, но засега не се очекува огнената стихија да стигне до самиот град.

Израелската служба за противпожарна и спасувачка интервенција соопшти дека 75 противпожарни тимови придружувани од 12 авиони работат на гаснење на серијата пожари во пошумените ридови западно од градот.

Полицијата соопшти дека е почната истрага за да се утврдат околностите за избувнувањето на пожарот бидејќи не се исклучува дека тој е подметнат.

Можеби ќе ве интересира

Во Израел откриена мутација на делта-сојот од коронавирус, момче сместено во карантин

M T

Словенија подготвена да понуди помош по трагедијата во Тетово

M T

Нов рекорд во Израел – речиси 11.000 луѓе се заразиле за еден ден

M T