Поради зголемениот број новозаразени од коронавирус, Франција од денес ги заострува мерките како за локалното население така и за туристите, пренесуваат тамошните гласила.
Само неколку дена откако Ајфеловата кула беше отворена за посетителите, од Франција пристигнуваат нови вести.
За влез во сите туристички знаменитости и атракции во главниот град на Франција – забавни паркови, концертни сали, музеи, кина, Ајфеловата кула – неопходен е т.н. здравствен пасош.
Во тој документ се содржани информации за вакцинација, за прележана болест или негативен ПЦР-тест.
За влегување во дискотеки и на фестивали оваа мерка е веќе во сила.
Туристите мора да приложат сертификат за целосна имунизација за влез во овие места, а негативниот ПЦР-тест не смее да биде постар од 48 часа.
Оној што ќе ги прекрши овие мерки може да биде казнет со глоба до 1.500 евра, соопштија француските власти.
