6.8 C
Скопје
9. декември 2021
Centar.mk – Вести, бизнис, забава, спорт…
Коронавирус Свет

Во Индија 2.500 луѓе примиле лажна вакцина против коронавирус

фото Pixabay/Илустрација

Илјадници Индијанци биле жртви на голема измама поврзана со лажни вакцини, а меѓу уапсените имало и лекари и други медицински работници, пренесува Си-Ен-Ен.

Индискиот висок полициски службеник Вишал Такур изјави дека измамата е откриена на најмалку 12 локации во Мумбаи и дека медицинските работници им вбризгувале солен раствор на пациентите наместо вакцина против коронавирус.

„ Се проценува дека 2.500 луѓе примиле лажна вакцина. Организаторите заработиле вкупно 28.000 американски долари од лажните вакцини”, изјави Такур.

Досега се уапсени 14 лица, а се очекуваат уште апсења во врска со давањето лажни вакцини.

Индија имаше катастрофална состојба со коронавирусот на пролет. Десетици илјади луѓе починаа, над 40.000 нови случаи беа регистрирани дневно, здравствениот систем доживеа целосен колапс, па луѓето умираа на улиците.

Поради големиот број на починати, немаше доволно места на гробиштата, па телата беа палени на улиците, или фрлени во реката.

Од Индија се прошири т.н. делта-сој на коронавирус.

Можеби ќе ве интересира

Кривична пријава за две лица за измама и лажно претставување

M T

Индија тестираше балистичка ракета што може да ја погоди целата територија на Кина

M T

Моди: Индија испиша историја, аплицирани над милијарда вакцини

M T