Кремљ соопшти дека нема сознанија за тоа дека руската војска користи ирански беспилотни летала во Украина.
Соопштението на Кремљ дојде откако Киев и Западот соопштија дека Москва користела ирански беспилотни летала за да изврши смртоносни напади во Украина.
Два објекти се сериозно оштетени во централниот град Днипро, а регистрирани се прекини на струја во Житомир. Гранатирање беше забележано во североисточниот град Харков. Последните напади се случија 24 часа откако Киев беше погоден од беспилотни летала, за кои се верува дека се од иранско производство.
Претходно, САД соопштија дека се согласуваат со нивните француски и британски сојузници дека снабдувањето со беспилотни летала од иран ја прекршува резолуцијата на Советот за безбедност на ОН поврзана со нуклеарниот договор, со што се забранува трансфер на одредена воена технологија.
