Украинскиот министер за надворешни работи ги советуваше украинските преговарачи да не јадат и пијат ништо додека преговараат со Русите, откако се појавија информации дека Роман Абрамович и некои членови на украинската делегација се отруени.
– Ги советувам сите што одат на преговори со Руската Федерација да не јадат и пијат ништо. И, ако е можно, избегнувајте допирање на која било површина. Тоа е од прва рака – изјави Кулеба.
Инаку, украинскиот преговарачки тим го сочинуваат советникот на Зеленски Михаил Подољак и министерот за одбрана Олексеј Резников.
Преговорите се водат во Турција, а украинската делегација посочи дека нејзин главен приоритет е да се обезбеди прекин на огнот.
