Американскиот државен секретар Ентони Блинкен изјави дека деновиве има намера да разговара со рускиот министер за надворешни работи Сергеј Лавров.
Блинкен рече дека за време на разговорите ќе се осврне на договорот за пченицата, како и можноста за ослободување на приведените американски државјани во Русија. Тој додаде дека нема да преговара со Лавров за Украина.
По неколкумесечна внатрешна дебата, администрацијата на Бајден понуди размена на Виктор Бут, осуден руски трговец со оружје кој отслужува 25-годишна затворска казна во САД, како дел од потенцијалниот договор за да се обезбеди ослободување на двајцата Американци кои ги држи Русија, Бритнеи Гринер и Пол Вилан, според луѓето информирани за ова прашање.
Тие извори изјавија за Си-Ен-Ен дека планот за размена на Бут за Вилан и Гринер ја добил поддршката од претседателот Џо Бајден, откако бил дискутиран претходно оваа година. Поддршката на Бајден за размената го надминува противењето на Министерството за правда, кое генерално е против трговијата со затвореници.