Во Франција циркулираат 110.000 лажни ковид-сертификати.
„Имаше повеќе од сто апсења во 400 истраги што беа отворени откако ковид-сертификатите станаа задолжителни на некои места ова лето“, изјавил Дарманин.
Апсењата се однесуваат и на корисниците на лажни сертификати и на мрежата што ги продава, објаснуваат изворите.
„Проблемот со лажните сертификати е што тие често се издаваат во соработка со лекари или медицински сестри“, рече министерот, велејќи дека тоа е тешко да се докаже.
„Затворски казни се веќе изречени, пред сè за корисниците на сертификатите“, рече Дарманин, додавајќи дека казните можат да бидат и до пет години.
Сепак, тој додаде дека е за прекин на истрагите против оние кои имаат лажен сертификат, но се подготвени да ги почитуваат правилата.
