Намалувањето на глобалната доминација на Соединетите Американски Држави е поврзано со забрзувањето на западната политика на санкции, изјави денеска рускиот претседател Владимир Путин на пленарната седница на Источниот економски форум.
„Катализатор за овие процеси на санкции беше падот на доминацијата на САД во глобалната економија и политика, како и тврдоглавата неподготвеност, па дури и неспособноста на западните елити да ги согледаат и прифатат објективните факти“, рече Путин на состанокот во Владивосток.
Речиси целото количество жито извезено од Украина завршило во земјите на ЕУ, а не во земјите во развој или сиромашните земји, изјави рускиот претседател Владимир Путин на Источниот економски форум што се одржа во Владивосток.
Тој истакна дека Русија заедно со Турција направи се за да извезе украинско жито.