Зголемените цени на енергијата ги изложија границите на структурата на европскиот пазар на електрична енергија, изјави денеска претседателката на Европската комисија, Урсула фон дер Лајен, објавувајќи план за структурна реформа на тој пазар.
„Пазарот беше развиен во сосема различни околности“, рече Фон дер Лејен во говорот на Стратешкиот форум во Блед.
„Затоа ние, Комисијата, сега работиме на итна интервенција и структурна реформа на пазарот на електрична енергија“, рече таа, без да навлегува во детали за промените што се разгледуваат.
Европската Унија се соочува со сè повисоки цени на енергијата во последните шест месеци поради руската инвазија на Украина. Вонреден состанок на европските министри за енергетика по овој повод е планиран за 9 септември.