Путин мислеше дека работите се одвиваат подобро отколку што навистина се. Ова е проблем кога се опкружувате со мажи кои само ви кажуваат „да“ или едноставно седите со нив на крајот од многу долга маса, изјави висок дипломат на ЕУ.
На руските војници им било кажано да учествуваат во воена вежба пред инвазијата на Украина, но морале да потпишат документ за проширување на нивните должности, изјавија двајца европски дипломати.
„ Беа заведени, слабо обучени, а потоа пристигнаа во Украина, каде ги пречекаа Украинки кои личеа на нивните баби и им викаа да си одат дома. Во моментов нема знаци дека ситуацијата може да предизвика бунт во руската војска, но ситуацијата е непредвидлива и западните сили се надеваат дека несреќниот народ ќе проговори“, изјави висок европски дипломат.