Портпаролот на Министерството за надворешни работи на Украина Олег Николенко изјави дека градот Херсон се соочува со хуманитарна катастрофа, пренесува Анадолија.
Тој рече дека руските воени сили го опколиле Херсон.
– Околу 300.000 жители на Херсон се соочуваат со хуманитарна катастрофа поради блокадата од страна на руската армија. Залихите на храна и лекови во Херсон се речиси исцрпени. Но, Русија одбива да отвори хуманитарни коридори за евакуација на цивили – истакна Николенко.
Оценувајќи ги постапките на Русија како „варварски“, Николенко нагласи дека тоа треба да се прекине.
Спонзорирано: