Русија ќе одговори на адекватен начин доколку од Полска бидат протерани околу 40 руски дипломати, изјави денеска портпаролката на руското Министерство за надворешни работи, Марија Захарова.
Претходно, портпаролот на координаторот на полските разузнавачки служби Станислав Зарин изјави дека полската агенција за внатрешна безбедност подготвила список од 45 руски дипломати осомничени за шпионажа и побарала нивно протерување од земјата.
Рускиот амбасадор е поканет на разговор во полското Министерство за надворешни работи, соопшти руската амбасада во Варшава.