5.8 C
Скопје
29. март 2024
Centar.mk – Вести, бизнис, забава, спорт…
СВЕТ

Полска ќе бара отштета од Германија за Втората светска војна

Полската влада ќе бара отштета од Германија за нацистичката инвазија и окупација во Втората светска војна, во износ од 1.320 милијарди долари, изјави лидерот на главната владејачка партија Право и правда (ПиС), Јарослав Качински, пренесуваат агенциите. Качински нагласи дека „обврска“ на Полска е да бара репарации.

„Сумата што беше претставена беше донесена со најограничен, конзервативен пристап. Би било можно да се зголеми“ – рече Качински на прес-конференција, непосредно пред објавувањето на извештајот за цената што земјата ја платила во годините на окупација од нацистичка Германија.

Владата ги процени финансиските загуби на 1,3 трилиони долари, рече Качински, додавајќи дека Варшава ќе побара од Германија да преговара за репарации и дека тоа ќе биде „долг и тежок процес“.

Качински и премиерот Матеуш Моравјецки ќе присуствуваат на официјалното објавување на извештајот во Кралскиот замок во Варшава, како централен настан по повод 83-годишнината од бомбардирањето и инвазијата на нацистичка Германија на 1 септември 1939 година.

Извештајот е подготвен од 2017 година од тим од околу 30 економисти, историчари и други експерти.

Претседателот Анджеј Дуда претходно денеска изјави дека војната е „една од најстрашните трагедии во нашата историја“.

„Не само затоа што ни ја одзеде слободата, не само затоа што ни ја одзеде државата, туку и затоа што оваа војна значеше милиони жртви меѓу граѓаните на Полска и непоправливи загуби за нашата татковина и нашиот народ“, рече Дуда.

Околу шест милиони Полјаци, вклучително и три милиони полски Евреи, беа убиени за време на Втората светска војна, а Варшава беше срамнета со земја по востанието во 1944 година во кое загинаа околу 200.000 цивили.

Спонзорирано:

Можеби ќе ве интересира

СЕ ИСПОЛНУВА СОНОТ НА СЕКОЈ ИСЕЛЕНИК ОД БАЛКАНОТ: Германија планира да го олесни процесот за добивање државјанство

CENTAR MKD

Џефри Сакс: Зад саботажата на „Северен тек“ можеби стојат САД и Полска

M T

Трамп го тужи Си-Ен-Ен за клевета, бара отштета од 475 милиони долари

M T

Мерц: Социјален туризам на Украинците во Германија

M T

Шолц: Германија е подготвена да преземе водечка воена улога во Европа

M T

Османи – Хофрајтер: Германија е клучен политички партнер на Македонија

M T