Националната телевизија на Кина јави дека утрово околу 11 часот дошло до пад на хеликоптер на северот на Пекинг.
Иако првичните информации говореа дека нема повредени, подоцна е соопштено дека четири лица се префрлени во болница, вклучувајќи и женски пилот.
На интернет објавена е снимка од падот на хеликоптерот до кој, според полицијата, дошло поради дефект на леталото.
Експерти кои ја прегледале снимката објаснуваат дека откажал задниот ротор на хеликоптерот, а на пилотката и оддаваат признание што со својата вештина го ублажила ударот на леталото во земја.