Соединетите Американски Држави планираат да воведат нови санкции кон Кина и Русија, кои ќе вклучуваат казнување на Москва за употребата на ирански беспилотни летала во војната против Украина, изјавија двајца американски претставници.
Според нив, санкциите ќе ја погодат Кина поради, како што тврди Вашингтон, нелегален риболов на Пацификот, додека расте загриженоста за евентуалниот кинески прекумерен риболов и проширувањето на кинеското влијание на море.
Повеќето од санкциите, објавени од Wall Street Journal, ќе бидат наметнати според таканаречениот глобален Magnitsky Act од 2016 година, кој ѝ дозволува на американската влада да воведе санкции за странски владини претставници за кои се смета дека ги кршат човековите права, замрзнувајќи ги нивните средства и забрана за влез во САД.
Соединетите Американски Држави го осудија извозот на ирански воени беспилотни летала во Русија, која ги користи во својата војна против Украина, а санкциите се очекува да погодат некои вклучени во руската воена индустрија и поврзани со снабдувањето со ирански беспилотни летала за Русија, изјавија официјални лица, пренесе Индекс.хр.
