Најмалку три лица загинаа во експлозии во рускиот град Белгород, кој се наоѓа во близина на границата со Украина, изјави регионалниот гувернер Вјачеслав Гладков.
Најмалку четири лица се повредени, од кои две се хоспитализирани, меѓу кои и едно 10-годишно момче, јавуваат агецниите.
Експлозиите делумно уништиле 11 станбени згради и најмалку 39 куќи, кажал тој.
„Истражуваме што се случило“, додал тој.
Белгород, град со речиси 400.000 жители, на околу 40 километри северно од границата со Украина, е административен центар на регионот Белгород.
Откако Русија ја започна својата инвазија на 24 февруари, имаше бројни извештаи за напади врз Белгород и други региони кои граничат со Украина, а Москва го обвини Киев за извршување на нападите.
Украина не ја презеде одговорноста за претходните напади, но ги опиша инцидентите како одмазда и „карма“ за руската инвазија.
Москва своите дејствија ги нарекува „специјална воена операција“ за разоружување и „денацификација“ на Украина.
Украина и нејзините сојузници на Запад велат дека војната е неиспровоциран акт на агресија.
