Главната австралиска лабораторија дезинформирала 400 граѓани на Божиќ, им кажала дека се негативни на коронавирусот, а тие всушност биле позитивни, пренесуваат медиумите во регионот.
Грешката ја направила лабораторијата на сиднејската болница Свети Винсент. Ден потоа граѓаните биле известени дека имало грешка. Надлежните нагласија дека утврдуваат зошто се случило тоа.
Тие претпоставуваат дека тоа е последица на големиот притисок врз лабораторијата поради значително зголемениот број на вирусно-позитивни лица. Австралија забележа рекорден број позитивни случаи од почетокот на пандемијата.
Само на Божиќ биле пријавени повеќе од 10.000 луѓе позитивни на коронавирус. Повеќето од нив се во државата Нов Јужен Велс, каде што се наоѓа споменатата лабораторија. Се смета дека повеќето го имаат сојот омикрон.
До 22 декември, 91 отсто од австралиското население над 16 години било вакцинирано со две дози. Највисока стапка на вакцинација меѓу шесте австралиски држави е во Нов Јужен Велс.
Голем е бројот на оние кои се вакцинирани со третата доза а надлежните го скратија периодот за вакцинација со трета доза.
