Centar.mk – Вести, бизнис, забава, спорт…
Свет

Талибанците со солзавец го растурија протестот на жените во Кабул

Талибанците го растурија протестот на неколку десетици жени во Кабул, кои се борат за своите права.

Според сведоците, Талибанците употребиле солзавец и бибер спреј за да растераат група жени кои оделе од мостот до претседателската палата.

Жените во Авганистан бараат право на работа и право на учество во власта, а Талибанците најавија дека ќе го објават составот на нивната администрација во наредните денови. Засега Талибанците објавија дека жените можат да бидат вклучени во владата, но не и на министерските позиции.

Жените во Авганистан стравуваат од враќањето на стариот талибански режим, кој беше на власт помеѓу 1996 и 2001 година и протестираа во Кабул и Херат.

Во меѓувреме, судирите во долината Паншир, северно од Кабул, продолжуваат.

Портпаролот на авганистанскиот фронт за национален отпор (НРФ) рече дека продолжуваат тешките борби и дека илјадници талибанци се опколени.

Долината Паншир, каде живеат околу 200.000 луѓе, беше центар на отпорот кога Авганистан беше под советска окупација во 1980 -тите и за време на претходниот период на владеење на Талибанците.

Лидерот на НРФ Ахмад Масуд ги пофали женските протести во Херат и рече дека Паншир продолжува да дава отпор.

Можеби ќе ве интересира

Турската полиција со солзавец растера жени додека протестираа против насилство

M T

Талибанците повторно воведуваат егзекуции и отсекување на рацете

M T

Талибанците се подготвени за дипломатски односи но не со сите

M T