24.8 C
Скопје
6. мај 2024
Centar.mk – Вести, бизнис, забава, спорт…
МАКЕДОНИЈА

Сашо Мијалков на денот кога бил уапсен се јавил во СЈО на покана на Катица Јанева

Откако Мијалков доби притвор, по четири дена, се огласија од неговиот адвокатски тим.

Соопштението го пренесуваме во целина:

„Изречениот притвор за господинот Мијалков е политичко, а не правно решение. Не постои никаква основа за мерките на претпазливост да бидат укинати и заострени, бидејќи не е сменета ниту една околност во однос на моментот кога се изречени. Аргументите на СЈО не соодвествуваат со реалноста. Законот се крши по три основи кои ги потврдуваат сомненијата дека не станува збор за право и правда, туку за политика.

Прво, спротивно на сите конвенции, господинот Мијалков и ние како негова одбрана воопшто не сме повикани да произнесеме во однос на барањето на СЈО.

Второ, нема ниту еден аргумент дека има некаква промена во околностите во однос на предметите кои се водат против господинот Мијалков.

Трето, целосно се неосновани аргументите приложени во барањето на СЈО.

Одбраната на господинот Мијалков најостро ги отфрла тврдењата на СЈО дека тој има каква било поврзаност со наводните 11 милиони евра за кои СЈО побара притвор, а судот го усвои предлогот.

Одбраната бара обвинителството и судот јавно да ги обелоденат наводните докази од причина што тврдиме дека такви не постојат и дека наводните трансакции немаат никаква поврзаност со господинот Мијалков.

Исто така настрана од овие лажни тврдења определениот притвор е незаконски поради фактот што Мијалков повеќе од една година ги почитува определените мерки на претпазливост се јавува на сите покани од судот и обвинителството. Впрочем дента кога е лишен од слобода се јавил во СЈО на покана на Катица Јанева и ниту планирал ниту превземал дејствија за бегство.

На крај целиот имот со кој располага Мијалков е јавно заведен во јавните книги во РМ и во странство а на судот и на обвинителството тој имот им е познат и досега, но судот и обвинителството не го сметале како околност поради која г. Мијалков може да се даде во бегство единствена причина поради која му е изречен притворот е да се прикрие бегството на Н.Г односно да се скрие неспособноста и непрофесионалноста на државните органи“, се наведува во соопштението на адвокатскиот тим на Мијалков.

Поранешниот шеф на тајната полиција во вторникот беше приведен и однесен во скопскиот истражен затвор Шутка на 30 дневен притвор, определен по предметот „Таргет-Тврдина“ случај за масовното прислушување и уништување на апаратите за следење на комуникациите.