Филипинските власти во петокот ставија во состојба на готовност 42 комерцијални аеродроми, откако властите добија закана за бомба преку е-пошта, објави државната новинска агенција PNA.
– Додека информациите во моментов се проверуваат, на сите аеродроми се спроведуваат итни засилени безбедносни мерки – се вели во соопштението на Управата за цивилна авијација на Филипините (CAAP).
Властите ги советуваа меѓународните патници да пристигнат на аеродромот најмалку три часа пред закажаниот лет за да избегнат какви било непријатности.
Тие, исто така, ја повикаа јавноста целосно да соработува со безбедносниот персонал и да биде внимателна за време на нивниот престој на аеродромот.
Спонзорирано:
