На аеродромот „Фрањо Туѓман“ во Загреб се случила несреќа кога авион во вечерните часови слетал на пистата и продолжил да се движи кон паркинг-просторот, но му откажале сопирачките и удрил во друго возило.
Авионот застанал пред карго-терминалот на аеродромот. Во несреќата нема повредени, а сè уште не е утврдена точната материјална штета.
Станува збор за авион стар 34 години, кој сообраќа на релација Загреб – Сараево.
Од аеродромот потврдија дека оваа несреќа навистина се случила за време на паркирањето на авионот и дека нема повредени.
Од таму изјавија дека за настанот била известена Агенцијата за истражување незгоди во воздушниот, поморскиот и железничкиот сообраќај.
Спонзорирано:
