Трагичниот биланс на загинатите од кобната несреќа со судирот на возовите во Лариса постојано расте бидејќи според последните официјални информации од противпожарната служба изнесува 46 лица.
Како што соопшти претставник на Противпожарната служба на официјалниот брифинг што се одржа во четвртокот, спасувачите извлекле седум јагленосани тела од вагонот ресторанот на кобниот патнички воз „Интерсити 62“.
Според него, „акциите се насочени кон вагонот ресторан кој беше смачкан од вториот вагон“ и проценката е дека до пладне неговото отстранување ќе биде завршено.
За продолжување на акцијата за пребарување и спасување ќе треба да се изврши сечење на металите со специјални машини. Се проценува дека до пладне ќе биде завршено отстранувањето на предметниот вагон“, изјави претставникот на Противпожарната служба.
Портпаролот на Противпожарната бригада, Епипирагос Јоанис Артофиос, за ЕРТ зборуваше за напредокот на истрагите и каде тие сега се фокусираат. Акцијата за пребарување и извлекување во областа била во тек во текот на ноќта, додека денеска со првото светло на денот на терен се спасувачките екипи меѓу вториот и третиот вагон на возот.
